85.9 F
Tirunelveli
Monday, November 28, 2022
முகப்பு மாவட்டம் தூத்துக்குடி கொலை நடந்த 4,மணிநேரத்தில் குற்றவாளி கைது தனிப்படை போலீசாருக்கு மாவட்ட எஸ்‌.பி பாராட்டு

கொலை நடந்த 4,மணிநேரத்தில் குற்றவாளி கைது தனிப்படை போலீசாருக்கு மாவட்ட எஸ்‌.பி பாராட்டு

தூத்துக்குடி – அக் – 20,2021

எட்டையாபுரம் காவல் நிலைய எல்லைக்குட்பட்ட பகுதியில் ஒருவர் கொலை – சம்பவ இடத்தை மாவட்ட காவல் கண்காணிப்பாளர் நேரில் சென்று விசாரணை – சம்பவம் நடந்த 4 மணி நேரத்தில் எதிரி கைது – உடனே கைது செய்த தனிப்படை போலீசாருக்கு மாவட்ட காவல் கண்காணிப்பாளர் எஸ். ஜெயக்குமார் பாராட்டு.

எட்டையாபுரம் காவல் நிலைய எல்லைக்குட்பட்ட குமாரகிரி புதூர் காளியம்மன் கோவில் தெருவை சேர்ந்த சுப்புராஜ் மகன் சூரிய ராகவன் (31) என்பவர் எட்டையாபுரம் நடுவிற்பட்டி பகுதியில் அவரது உறவினரின் எல்க்ட்ரிக்கல் கடையில் டி.வி மெக்கானிக்காக வேலை பார்த்து வருகிறார். இந்நிலையில் அவரை மேற்படி டி.வி மெக்கானிக் கடையில் வைத்து இன்று மர்ம நபர் கத்தியால் தாக்கி கொலை செய்துள்ளார்.

இதுகுறித்து தகவலறிந்த எட்டையாபுரம் காவல் நிலைய போலீசார் சம்பவ இடத்திற்கு விரைந்து சென்று சூரிய ராகவன் உடலைக் கைப்பற்றி பிரேத பரிசோதனைக்கு தூத்துக்குடி அரசு மருத்துவ கல்லூரி மருத்துவமனைக்கு அனுப்பி வைத்து வழக்குப்பதிவு செய்து விசாரணை மேற்கொண்டு வருகின்றனர்.

இச்சம்பவம் தொடர்பாக தூத்துக்குடி மாவட்ட காவல் கண்காணிப்பாளர் எஸ். ஜெயக்குமார் சம்பவ இடத்தை நேரில் சென்று பார்வையிட்டு விளாத்திகுளம் காவல் துணை கண்காணிப்பாளர் பிரகாஷ் மேற்பார்வையில் எட்டையாபுரம் காவல் நிலைய ஆய்வாளர் ஜின்னா பீர்முகம்மது தலைமையில் உதவி ஆய்வாளர் பொன்ராஜ், முதல் நிலை காவலர் . பாண்டியராஜ் மற்றும் காவலர் முனீஸ்வரன் ஆகியோர் அடங்கிய தனிப்படை அமைத்து சம்மந்தப்பட்ட எதிரியை கண்டுபிடித்து உடனடியாக கைது செய்ய உத்தரவிட்டார்.

மேற்படி உத்தரவின்படி தனிப்படையினர் விசாரணை மேற்கொண்டதில் படர்ந்தபுளி பகுதியை சேர்ந்த 21வயது பெண் ஒருவரை கொலையுண்ட சூரிய ராகவன் (31) கடந்த 2 மாதத்திற்கு முன்பு காதலித்து திருமணம் செய்துள்ளார். இந்த திருமணத்திற்கு முன்பு சோழபுரம் பகுதியை சேர்ந்த கண்ணன் மகன் ஆனந்தராஜ் (22) என்பவர் சூரிய ராகவனின் மனைவியான மேற்படி பெண்ணை ஒருதலையாக காதலித்து வந்திருக்கிறார். தான் ஒருதலையாக காதலித்த பெண்ணை சூரிய ராகவன் திருமண செய்து கொண்டதால், அவர் மீது ஆத்திமடைந்த மேற்படி ஆனந்தராஜ், அவரை தீர்த்துக்கட்ட முடிவு செய்து இன்று நடுவிற்பட்டி பகுதியில் உள்ள சூரிய ராகவன் வேலை செய்யும் கடைக்கு சென்று அவரிடம் தகராறு செய்து, அவரை கத்தியால் தாக்கி கொலை செய்துவிட்டு தப்பியோடியது தெரியவந்தது. உடனே மேற்படி தனிப்படை போலீசார் தீவிரமாக தேடி மேற்படி எதிரி ஆனந்தராஜை கைது செய்து, அவரிடமிருந்த 2 கத்திகளை பறிமுதல் செய்தனர்.

சம்பவம் நடந்த 4 மணிநேரத்தில் துரிதமாக செயல்பட்டு எதிரியை உடனே கைது செய்த தனிப்படை போலீசாரை மாவட்ட காவல் கண்காணிப்பாளர் எஸ். ஜெயக்குமார் பாராட்டினார்.

19,724FansLike
125FollowersFollow
394SubscribersSubscribe

முக்கிய செய்திகள்

நெல்லையில் நடைபெறும்‌‌‌ இரண்டாம் நிலை காவலர் எழுத்து தேர்வு நடைபெறும் மையங்களில்...

0
திருநெல்வேலி - நவ -27,2022 Newz - webteam தமிழ்நாடு சீருடைப் பணியாளர் தேர்வாணையத்தால் நடத்தப்படும் காவல்துறை, சிறைத்துறை மற்றும் தீயணைப்புத்துறை இரண்டாம் நிலைக் காவலருக்கான எழுத்து தேர்வு இன்று நடைபெற்று வருகிறது. திருநெல்வேலி சரக...

தூத்துக்குடியில் இரண்‌‌‌டாம்‌‌‌ நிலை காவலர் தேர்வு நடைபெறும் மையங்களில் தேர்வு கண்காணிப்பு அதிகாரி டிஐஜி...

0
தூத்துக்குடி - நவ -27,202 Newz - webteam தூத்துக்குடியில் 2022ம் ஆண்டிற்கான காவலர் எழுத்து தேர்வு நடைபெற்று வரும் நிலையில் தேர்வு எழுதும் மையங்களுக்கு தேர்வு கண்காணிப்பு சிறப்பு அதிகாரியாக நியமிக்கப்பட்டுள்ள...

நெல்லையில் அபகரிக்‌‌‌கபட்ட 90,செண்ட் நிலம் மீட்பு மாவட்ட எஸ்பி உரியவரிடம் வழங்கினார்

0
திருநெல்வேலி - நவ -26,2022 Newz - webteam 90 செண்ட் நிலத்தை மீட்க காரணமாக இருந்த நில அபகரிப்பு தடுப்பு சிறப்பு பிரிவு காவல்துறையினர். திருநெல்வேலி மாவட்டம், திசையன்விளையை சேர்ந்த சரோஜா என்பவருக்கு சொந்தமான...

நாளை நடைபெறும் இரண்டாம் நிலை காவலர் தேர்வின் விதிமுறைகள் குறித்து மாவட்ட எஸ்பி அறிக்கை...

0
தூத்துக்குடி - நவ -26,2022 Newz - webteam நாளை நடைபெறவுள்ள காவல்துறை, சிறைத்துறை மற்றும் தீயணைப்புத்துறை இரண்டாம் நிலைக் காவலருக்கான எழுத்து தேர்வில் கலந்து கொள்ளும் தூத்துக்குடியில் தேர்வு எழுதும் விண்ணப்பதாரர்களுக்கு மாவட்ட...

நாளை நடைபெறவுள்ள இரண்டாம் நிலை காவலர்கள் தேர்வுக்கு போலீசார் செய்யவேண்டிய பணிகள் குறித்து மாவட்ட...

0
திண்டுக்கல் - நவ -26,2022 Newz - webteam நாளை நடைபெற உள்ள காவல்துறை, சிறைத்துறை மற்றும் தீயணைப்புத்துறை இரண்டாம் நிலைக் காவலருக்கான எழுத்து தேர்வுக்கு காவல்துறையினர் செய்ய வேண்டிய பணிகள் குறித்து திண்டுக்கல்...

தற்போதைய செய்திகள்