93.9 F
Tirunelveli
Friday, August 12, 2022
முகப்பு மாவட்டம் தூத்துக்குடி தூத்துக்குடியில் பயங்கரம் -பழிக்கு பழியாக நடந்த கொலையில் 4,பேர்‌‌‌ கைது

தூத்துக்குடியில் பயங்கரம் -பழிக்கு பழியாக நடந்த கொலையில் 4,பேர்‌‌‌ கைது

தூத்துக்குடி – ஆகஸ்ட் – 19,2021

தூத்துக்குடி மாவட்டம்‌‌‌ ஏரல் அருகே நேற்று பழிக்குப் பழியாக நடந்த கொலை வழக்கில் 4 பேர் கைது விரைந்து கைது செய்த தனிப்படை போலீசாருக்கு மாவட்ட காவல் கண்காணிப்பாளர் எஸ். ஜெயக்குமார் பாராட்டு.

ஏரல் காவல் நிலைய எல்லைக்குட்பட்ட அகரம் பகுதியைச் சேர்ந்தவர் ஐசக் மகன் பொன்சீலன் என்ற சிங்கம் (39) என்பவர் தற்போது முத்தையாபுரம் வீரபாண்டியநகரில் வசித்து வந்துள்ளார். இந்நிலையில் நேற்று (18.08.2021) பொன்சீலன் அகரம் பகுதியில் உள்ள தவசிக்கனி என்பவரது வீட்டிற்கு சென்றுள்ளார். அப்போது அவரது வீட்டிற்குள் நுழைந்த மர்ம நபர்கள் பொன்சீலனை அரிவாளால் தாக்கி கொலை செய்துள்ளனர்.

இதுகுறித்து தகவலறிந்த ஏரல் காவல் நிலைய போலீசார் சம்பவ இடத்திற்கு விரைந்து சென்று சடலத்தை கைப்பற்றி பிரேத பரிசோதனைக்கு தூத்துக்குடி அரசு மருத்துவமனைக்கு அனுப்பி விசாரணை மேற்கொண்டனர்.

இச்சம்பவம் தொடர்பாக தூத்துக்குடி மாவட்ட காவல் கண்காணிப்பாளர் எஸ். ஜெயக்குமார் சம்பவ இடத்தை நேரில் சென்று பார்வையிட்டு, ஸ்ரீவைகுண்டம் காவல் துணை கண்காணிப்பாளர் வெங்கடேசன் மேற்பார்வையில் ஏரல் காவல் நிலைய ஆய்வாளர் . மேரி ஜெமிதா மற்றும் புளியம்பட்டி காவல் ஆய்வாளர் தர்மர் ஆகியோர் தலைமையில் உதவி ஆய்வாளர் ராஜாமணி, முதல் நிலை காவலர் ஜெபஸ்டின் ராஜ்குமார் உள்ளிட்ட போலீசார் அடங்கிய தனிப்படை அமைத்து எதிரிகளை விரைந்து கைது செய்ய உத்தரவிட்டார்.

அவரது உத்தரவின் பேரில் மேற்படி தனிப்படையினர் தீவிர விசாரணை மேற்கொண்டதில், கொலையுண்ட பொன்சீலன் கடந்த 23.10.2017 அன்று முன்விரோதம் காரணமாக அகரத்தைச் சேர்ந்த பொன்ராஜ் என்பவரின் மகனான லெனின் என்பவரை கொலை செய்துள்ளார், இதற்கு பழி தீர்க்க பொன்சீலனால் கொலை செய்யப்பட்ட லெனின் என்பவரின் சகோதரர்களான ஜெகன் (40), ரூபன் (40) மற்றும் அவரது நண்பர்களான அதே பகுதியை சேர்ந்தவர்களான ஜெயசீலன் மகன்களான ஜெபசிங் சாமுவேல் (30), ஜெபஸ்டின் (26), யோகராஜ் மகன் பெனித் நியூட்டன் (23), வெள்ளப்பழம் மகன் மாரிமுத்து (26) மற்றும் சுவாமியடியான் மகன் ரூபன் தேவபிச்சை (27) ஆகியோருடன் மற்றும் சிலா சேர்ந்து பொன்சீலனை அரிவாளால் தாக்கி கொலை செய்துள்ளனர் என்பதும், கொலை செய்து விட்டு பொன்சீலன் அணிந்திருந்த தங்க நகைகளையும் திருடி விட்டு டாடா சுமோ வாகனத்தில் தப்பி சென்றதும் தெரியவந்துள்ளது. மேற்படி தனிப்படையினரின் தீவிர தேடுதல் வேட்டையில் கொலை செய்து விட்டு தப்பிய மேற்படி எதிரிகள் 7 பேரில் 1) ஜெபசிங் சாமுவேல், 2) பெனித் நியூட்டன், 3) மாரிமுத்து மற்றும் 4) ஜெபஸ்டின் ஆகிய 4 பேரை கைது செய்து அவர்களிடமிருந்து கொலை செய்ய பயன்படுத்தப்பட்ட 2 அரிவாள்கள், கொலை செய்து விட்டு திருடிய நகைகளில் 21 பவுன் தங்க நகைகள் மற்றும் டாடா சுமோ வாகனத்தையும் பறிமுதல் செய்தனர். இதில் அகரம் பகுதியைச் சேர்ந்தவர்களான குணசேகர் மகன் 1) பாலகிருஷ்ணன் (27), கொடிவேல் முருகன் மகன் 2) நவநீதன் (27) மற்றும் சுவாமியடியான் மகன் 3) ரூபன் தேவபிச்சை (27) ஆகிய 3 பேர் திருச்செந்தூர் குற்றவியல் நீதித்துறை நடுவர் நீதிமன்றத்தில் சரணடைந்துள்ளனர். மேலும் தலைமறைவாக உள்ள மற்ற எதிரிகளையும் தனிப்படை போலீசார் தீவிரமாக தேடி வருகின்றனர்.

மேற்படி கொலை வழக்கில் கொலையாளிகள் 4 பேரை உடனடியாக கைது செய்த தனிப்படை போலீசாரை மாவட்ட காவல் கண்காணிப்பாளர் . எஸ். ஜெயக்குமார் வெகுவாக பாரட்டினார்.

19,724FansLike
99FollowersFollow
388SubscribersSubscribe

முக்கிய செய்திகள்

நெல்லை மேலப்பாளையத்தில் குட்கா பொருட்‌‌‌கள்‌‌‌ விற்‌‌‌பனை செய்‌‌‌த கடைக்கு போலீஸ்‌‌‌ துணை கமிஷனர்‌‌‌ சீல்!!!

0
நெல்லை - ஆகஸ்ட் -12,2022 நெல்லை மேலப்பாளையத்தில் குட்கா பொருட்‌‌‌கள்‌‌‌ விற்‌‌‌பனை செய்‌‌‌த கடைக்கு போலீஸ்‌‌‌ துணை கமிஷனர்‌‌‌ சீல் மேலப்பாளையம் சந்தை ரவுண்டானா அருகில் கிருஷ்ண குமார் என்பவரின் கடை சீல் வைக்கப்பட்டது குட்கா...

நெல்லை தூய சவேரியர்‌ பள்ளியில் போதைப்‌‌‌பழக்‌‌‌கத்‌‌‌தால்‌‌‌ ஏற்படும் விளைவுகள் குறித்து துணை...

0
நெல்லை - ஆகஸ்ட் -11,2022 நெல்லை பாளையில் போதை பழக்கத்தால் ஏற்படும் விளைவுகள் குறித்து விழிப்புணர்வு ஏற்படுத்தும் விதமாக நடைபெற்ற நிகழ்ச்சியில் கலந்து கொண்டு அறிவுரைகளை வழங்கிய நெல்லை மாநகர கிழக்கு காவல்...

தூத்துக்குடி காமராஜ் கல்லூரியில் மாவட்ட எஸ்பி போதைப்பொருள் விழிப்புணர்வு

0
தூத்துக்குடி - ஆகஸ்ட் - 11,2022 தூத்துக்குடி காமராஜ் கல்லூரியில் போதைப்பொருள் விழிப்புணர்வு நிகழ்ச்சி மாவட்ட காவல் கண்காணிப்பாளர் டாக்டர் எல். பாலாஜி சரவணன் தலைமையில் நடைபெற்றது. போதைப்பொருள் இல்லாத தமிழகத்தை உருவாக்குவதற்கு...

ஆற்றில் விழுந்த ஆசிரியரின் உயிரை காப்பாற்றிய காவலருக்கு மாவட்ட எஸ்பி பாராட்டு

0
திருவாருர் - ஆகஸ்ட் - 11,2022 மகிழஞ்சேரி, ஆதிலட்சுமி நகரைச்சேர்ந்த உஷா, க/பெ தினேஷ்குமார் என்பவர் ஆணைகுப்பம் தொடக்கப்பள்ளியில் ஆசிரியையாக பணிபுரிந்து வருகிறார். இவர் கடந்த 08.08.2022 தேதி ஸ்கூட்டரில் சென்ற போது எதிரே...

மெச்சதகுந்த பணிக்காக போலீசாருக்கு மாவட்ட எஸ்பி சான்றிதழ் வழங்கி பாராட்டு!!!

0
தேனி - ஆகஸ்ட் -10,2022 மெச்சத்தகுந்த பணியை பாராட்டி காவல் அதிகாரிகள் மற்றும் ஆளிநர்களுக்கு நற்சான்றிதழ் வழங்கிய தேனி மாவட்ட காவல் கண்காணிப்பாளர் தேனி மாவட்டம்போடி நகர் காவல் நிலையம் மற்றும் பழனிசெட்டிபட்டி காவல்...

தற்போதைய செய்திகள்