76.9 F
Tirunelveli
Wednesday, December 7, 2022
முகப்பு மாவட்டம் திருச்சி கஞ்சா கடத்தி வந்‌‌‌த காரை உயிரைப் பணயம் வைத்து விரட்டிய காவலருக்‌‌‌கு : டி.ஜி.பி பாராட்‌‌‌டு....

கஞ்சா கடத்தி வந்‌‌‌த காரை உயிரைப் பணயம் வைத்து விரட்டிய காவலருக்‌‌‌கு : டி.ஜி.பி பாராட்‌‌‌டு….

திருச்சி – ஜீலை – 27,2021

செய்தியாளர் – எஸ்.எம்‌.பாரூக்

கஞ்சா கடத்தி வந்த நபரைப் பிடிக்க உயிரைப் பணயம் வைத்து திரைப்படக் காட்சி போல் தனிப்படை போலீஸார் விரட்டி பிடித்த சம்பவம் திருச்சியில் பெரும் பரபரப்பை ஏற்படுத்தியுள்ளது

திருச்சி மாநகர், சமீபகாலமாகவே கஞ்சா மற்றும் குட்காவின் கூடாரமாகத் திகழ்ந்துகொண்டிருக்கிறது. மாவட்டத்தில் பல பகுதிகளில் கஞ்சா, குட்கா உள்ளிட்ட போதைப்பொருள்கள் தாராளமாகக் கிடைத்துக்கொண்டிருக்கின்றன.

பள்ளி மாணவர்கள் பலர் இந்த போதைப்பொருள்களுக்கு அடிமையாகி வருகின்றனர். இந்த போதைப்பொருள்களால் மாநகர் உள்ளிட்ட பகுதிகளில் ரெளடிகளின் அட்டகாசம் அதிகரித்து வருகிறது என்று பரவலாகப் பேச்சுக்கள் அடிப்பட்டுக்கொண்டிருக்கிற நிலையில், கஞ்சா மற்றும் போதைப்பொருட்களை ஒழிப்பதில் திருச்சி மாவட்ட போலீஸார் தீவிரம் காட்டி வருகின்றனர். இதற்கென மத்திய மண்டல ஐஜி பாலகிருஷ்ணன், எஸ்.பி மூர்த்தி தலைமையில் ஒரு டீம் அமைக்கப்பட்டு தீவிரமாகச் செயல்பட்டு வருகின்றனர்.

இந்நிலையில் திருச்சி டூ சென்னை தேசிய நெடுஞ்சாலையில் ஒரு காரில் கஞ்சா கடத்திச் செல்வதாக கமிஷனரின் தனிப்படை காவல்துறைக்கு ரகசியத் தகவல் கிடைத்துள்ளன. அதன் பெயரில் மன்னார்புரம் பகுதியில் போலீஸார் தீவிர கண்காணிப்புப் பணியில் ஈடுபட்டு வந்தனர்.

அப்போது, அவ்வழியாக வந்த ஒரு டாட்டா இண்டிகா காரை போலீஸார் தடுத்து நிறுத்த முயன்றனர். ஆனால் காரை ஓட்டிச் சென்ற நபர் நிறுத்தாமல் வண்டியை வேகமாக ஓட்டிச்செல்ல, உடனே அந்த காரை போலீஸார் டூவிலரில் விரட்டி சென்றனர். செந்தண்ணீர்புரம் அருகே கார் படுவேகமாக சென்று கொண்டிருந்தது.

அப்போது, போலீஸ் ஏட்டு சரவணன் என்பவர் டூவிலரிலிருந்து காரின் மீது ஏறி குதித்து காரின் பேனட்டை பிடித்துக் கொண்டார். ஆனாலும் அந்த நபர் காரை நிறுத்தாமல் மிகவேகமாக ஓட்டியிருக்கிறார்.

சரவணன் உயிருக்கு ஆபத்தான நிலையில் காரின் முன்பக்க பேனட்டில் படுத்தபடியே இரண்டு கிலோமீட்டர் தூரம் சென்ற நிலையில், அந்த காரைப் பிடிக்க பத்துக்கும் மேற்பட்ட போலீஸார் காரை துரத்திச் சென்றனர். கடைசியில் சரவணன் ஒரு கையால் காரின் ஸ்டேரிங்கை பிடித்து வளைத்த போது கார் தடுப்பு மரத்தின் மீது மோதி நின்றது.

இதில் சரவணன் காயம் அடைந்தார். பின்னால் வந்த போலீஸார் காரை ஓட்டிவந்த டிரைவரை மடக்கிப் பிடித்தனர். காயமடைந்த ஏட்டு சரவணன் மருத்துவமனையில் அனுமதிக்கப்பட்டுள்ளார்

காரை ஓட்டிவந்தது யார்? என்று போலீஸார் வட்டாரத்தில் விசாரித்தோம்.”காரை ஓட்டி வந்தவர் புதுக்கோட்டைச் சேர்ந்த முகமது அனீபா. இவர் காரில் 22 கிலோ கஞ்சா பதுக்கி வைத்து எடுத்து வந்துள்ளார். பிடிபட்டால் பிரச்னை ஆகிவிடும் என்பதால் போலீஸார் தடுத்தும் காரை நிறுத்தாமல் சென்றிருக்கிறார். அதன் பிறகு தான் பின்தொடர்ந்து அவரை மடக்கிப் பிடித்து கைது செய்திருக்கிறோம். முகமது அனீபா மீது வழக்கு பதிவு செய்து கைது செய்துள்ளோம். மேலும் கடத்தி வரப்பட்ட 22 கிலோ கஞ்சா மற்றும் காரை பறிமுதல் செய்திருக்கிறோம்” என்றார்.

19,724FansLike
125FollowersFollow
394SubscribersSubscribe

முக்கிய செய்திகள்

தென்காசி மாவட்டத்திற்கு முதல்வர் வருவதால் தென்மண்டல ஐஜி நேரில் ஆய்வு

0
தென்காசி - டிச -06,2022 Newz - webteam தென்காசி மாவட்டத்திற்கு தமிழக முதல்வரின்‌‌‌ வருகையை ஒட்டி பாதுகாப்பு ஏற்பாடுகள் மற்றும் காவல்துறை உயர் அலுவலர்களுடன் தென்மண்டல காவல்துறை தலைவர் அவர்கள்...

போதையில்லா திருச்சியை உருவாக்க போலீஸ் கமிஷனர் தலைமையில் விழிப்புணர்வு மாரத்தான்‌‌‌ போட்டி….

0
திருச்சி - டிச -05,2022 Newz - webteam "போதைமில்லா திருச்சி மாநகரை உருவாக்க" மக்களிடையே விழிப்புணர்வு ஏற்படுத்தும் வகையில் திருச்சி மாநகர காவல்துறை மற்றும் மொராய்சிட்டி இணைந்‌‌‌து நடத்‌‌‌தும்‌‌‌ மாரத்தான் ஓட்டம் திருச்சி...

போக்சோ வழக்கில் இனி கைது செய்ய கூடாது போலீஸ் கமிஷனர் எஸ்பிக்களுக்கு தமிழக டிஜிபி...

0
சென்னை - டிச -05,2022 Newz - webteam போக்சோ வழக்குகளில் கைது மற்றும் புலனாய்வு தொடர்பான சுற்றறிக்கை. உயர் நீதிமன்றத்தின் சிறுவர் நீதிக் குழு மற்றும் போக்சோ குழுவினர் போக்சோ சட்டத்தினை குழந்தைகளுக்கெதிரான பாலியல்...

நெல்லை தூத்துக்குடி குமரி மாவட்ட எஸ்பிக்களுடன் தென் மண்டல ஐஜி ஆலோசனை

0
திருநெல்வேலி - டிச -05,2022 Newz - webteam திருநெல்வேலி, தூத்துக்குடி மற்றும் கன்னியாகுமரி மாவட்ட காவல் உயர் அதிகாரிகள் மற்றும் மாவட்ட தனிப்படை காவலர்களுடன் ஆலோசனை கூட்டம் நடத்திய தென் மண்டல காவல்துறை...

தென்காசி எஸ்பி அலுவலகத்தில் நெல்லை சரக டிஐஜி ஆய்வு

0
தென்காசி - டிச -02,2022 Newz - webteam தென்காசி மாவட்ட காவல் அலுவலகத்தில் காவல்துறைத் துணைத் தலைவர் இன்று ஆய்வு மேற்கொண்டார் தென்காசி மாவட்டத்திற்கு தமிழக முதல்வர் அவர்களின் வருகையை ஒட்டி பாதுகாப்பு...

தற்போதைய செய்திகள்