78.7 F
Tirunelveli
Monday, October 18, 2021
முகப்பு மாவட்டம் தூத்துக்குடி இலங்கைக்கு கடத்த முயன்ற 3 லட்சம் மதிபுள்ள 2500 கிலோ விரல் மஞ்சல் பறிமுதல் -...

இலங்கைக்கு கடத்த முயன்ற 3 லட்சம் மதிபுள்ள 2500 கிலோ விரல் மஞ்சல் பறிமுதல் – 5பேர் கைது

தூத்துக்குடி – ஜீன் -26,2021

தூத்துக்குடி தெர்மல் நகர் கடற்கரையிலிருந்து நாட்டுப்படகில் இலங்கைக்கு கடத்த இருந்த ரூபாய் 3 லட்சம் மதிப்புள்ள 2500 கிலோ எடையுள்ள விரல் மஞ்சள் பறிமுதல் – 5 பேர் கைது – தனிப்படை போலீசாருக்கு மாவட்ட காவல் கண்காணிப்பாளர் எஸ். ஜெயக்குமார் பாராட்டு.

தூத்துக்குடி மாவட்டம் தெர்மல் நகர் காவல் நிலைய எல்லைக்குட்பட்ட தெர்மல் (பீச்) கடற்கரை வழியாக இலங்கைக்கு விரல் மஞ்சள் கடத்துவதாக கிடைத்த இரகசிய தகவலின் அடிப்படையில் மாவட்ட காவல் கண்காணிப்பாளர் எஸ். ஜெயக்குமார் உடனடியாக நடவடிக்கை எடுக்க தூத்துக்குடி நகர துணைக் காவல் கண்காணிப்பாளர் கணேஷ் உத்தரவிட்டார்.

அவரது உத்தரவின் பேரில் தூத்துக்குடி நகர காவல் துணை கண்காணிப்பாளர் அவர்கள் மேற்பார்வையில் உதவி ஆய்வாளர் வேல்ராஜ் தலைமையில், உதவி ஆய்வாளர் ஆசைத்தம்பி, தனிப்பிரிவு தலைமைக் காவலர் கந்தசுப்பிரமணியன், தலைமை காவலர் பென்சிங், முதல் நிலை காவலர் செந்தில்குமார், முதல் நிலை காவலர்கள் மாணிக்கராஜ், மகாலிங்கம், சாமுவேல், காவலர் முத்துப்பாண்டி மற்றும் முத்தமிழ் ஆகியோர் அடங்கிய தனிப்படையினர் இன்று அதிகாலை தெர்மல்நகர் கடற்கரை பகுதியில் ரோந்து சென்றனர்.

அப்போது 2500 கிலோ எடையுள்ள விரல் மஞ்சள்கள் ஒரு வேனிலிருந்து படகில் ஏற்றி இலங்கைக்கு கடத்துவதற்கு தயாராக இருந்தது கண்டு பிடிக்கப்பட்டது. உடனே மேற்படி தனிப்படையினர் கடத்த இருந்த 2500 கிலோ விரல் மஞ்சள், படகு மற்றும் வேன் ஆகியவற்றை பறிமுதல் செய்தனர். பறிமுதல் செய்யப்பட்ட 2500 கிலோ விரல் மஞ்சளின் இந்திய மதிப்பு ரூபாய் 3 லட்சமாகும். ஆனால் இவற்றின் இலங்கை மதிப்பு ருபாய் 16 லட்சம் வரையிருக்கும் என்று சொல்லப்படுகிறது.

மேலும் இந்த கடத்தலில் ஈடுபட்டுக்கொண்டிருந்த சிலுவைப்பட்டி இந்திரா நகரைச் சேர்ந்த ஈஸ்வரன் மகன் கோவிந்த பெருமாள் (36), சுனாமி காலணி ஒத்தவீடு பகுதியைச் சேர்ந்த மந்திரமூர்த்தி மகன் சேர்மராஜா (19), கீழ வைப்பாரைச் சேர்ந்த அருள் மகன் ராபின்ஸ்டன் (23), அதே பகுதியைச் சேர்ந்த செல்லையா மகன் அருள் (55), ஜேசு மகன் விதுஸ்டன் (20) ஆகிய 5 பேரையும் கைது செய்தனர்.

மேற்படி கடத்தல் சம்பவம் தெர்மல் நகர் மெரைன் காவல் நிலைய எல்லைக்குட்பட்ட பகுதி என்பதால் பறிமுதல் செய்த 2500 கிலோ விரல் மஞ்சள், படகு மற்றும் வேன் ஆகியவற்றையும், கைது செய்த 5 பேரையும் மெரைன் காவல் நிலைய போலீசாரிடம் ஒப்படைத்தனர். இதுகுறித்து மெரைன் காவல் நிலைய போலீசார் வழக்குப்பதிவு செய்து விசாரணை மேற்கொண்டு வருகின்றனர்.

நாட்டுப்படகில் இலங்கைக்கு கடத்த இருந்த 2500 கிலோ விரல் மஞ்சள் மற்றும் கடத்துவதற்கு பயன்படுத்திய படகு, வேன் ஆகியவற்றை பறிமுதல் செய்து, சம்மந்தப்பட்ட எதிரிகளையும் கைது செய்த தனிப்படையினரை தூத்துக்குடி மாவட்ட காவல் கண்காணிப்பாளர் எஸ். ஜெயக்குமார் பாராட்டினார்.

19,724FansLike
48FollowersFollow
361SubscribersSubscribe

முக்கிய செய்திகள்

ஆயுதபடை காவலர்களின்‌‌‌ பணி மாறுதலுக்கான ஆலோசனை கூட்டம் மாவட்ட எஸ்.பி தலைமையில்...

0
தூத்துக்குடி - அக் - 17,2021 தூத்துக்குடி மாவட்டத்தில் ஆயுதப்படை காவலர்கள் தாலுகா காவலர்களாக பணி மாறுதலுக்கான கலந்தாய்வு கூட்டம் இன்று மாவட்ட காவல் கண்காணிப்பாளர் எஸ். ஜெயக்குமார் தலைமையில் நடை பெற்றது. இன்று தூத்துக்குடி...

விபத்தில் காயமடைந்தவர்களுக்‌‌‌கு முதலுதவி செய்‌‌‌யும்‌‌‌ ஒத்‌‌‌திகை நிகழ்‌‌‌ச்‌‌‌சி மாவட்‌‌‌ட எஸ்‌‌‌.பி தலைமையில் நடைபெற்றது

0
தூத்துக்குடி - அக் -17,2021 இன்று உலக விபத்து காய தினத்தை முன்னிட்டு தூத்துக்குடி விவிடி சிக்னல் சந்திப்பில் தூத்துக்குடி அரசு மருத்துவ கல்லூரி மருத்துவமனை மற்றும் தூத்துக்குடி காவல்துறை சார்பாக விபத்தில் காயம்...

கொலையை திறம்‌‌‌பட புலனாய்வு செய்‌‌‌து குற்‌‌‌றவாளியை கைது செய்த தனிப்படை போலீசாருக்கு மாவட்ட...

0
திண்டுக்கல் - அக் - 17,2021 திண்டுக்கல் மாவட்டம் தாண்டிக்குடி அருகே கடந்த 10.10.2021 ஆம் தேதி சுமார் 30 வயது மதிக்கத்தக்க ஆண் பிரேதம் அழுகிய நிலையில் கண்டெடுக்கப்பட்டது. இதுதொடர்பாக தாண்டிக்குடி...

தேனி – காணாமல்போன 15,லட்‌‌‌சம்‌‌‌ மதிப்புள்ள செல்போன்கள் மீட்பு- மாவட்ட எஸ்‌.பி உரியவர்களிடம் ஒப்படைத்தார்

0
தேனி - அக் - 16,2021 சுமார் 15 லட்சம் ரூபாய் மதிப்பிலான 125 காணாமல் போன செல்போன்களை கண்டுபிடித்து மீட்டு உரியவர்களிடம் வழங்கிய தேனி மாவட்ட காவல் கண்காணிப்பாளர் டோங்கரே பிரவிண் உமேஷ்,இ.கா.ப.,...

போதைபொருள் குற்றங்களில் ஈடுபட்டு மனம்திருந்திய பெண்களின்‌‌‌ மறுவாழ்வுக்‌‌‌கான கூட்டம் திருச்‌‌‌சி ஐ.ஜி தலைமையில்...

0
பெரம்பலூர் - அக் - 16,2021 பெரம்பலூர் மாவட்டத்தில் மது, கள்ளச்சாராயம், போதைப்பொருள் குற்றங்களில் ஈடுபட்டு மனம் திருந்திய மகளிரின் மறுவாழ்வுக்கான சிறப்பு முகாம் பெரம்பலூர் நகரில் உள்ள கர்ணம் சகுந்தலா திருமண மண்டபத்தில்...

தற்போதைய செய்திகள்