84.7 F
Tirunelveli
Tuesday, August 3, 2021
முகப்பு மாவட்டம் சென்னை நூதனமாக ஏடிஎம் கார்டில் இருந்து திருடப்பட்ட ரூ. 49 ஆயிரம் பணத்தை திரும்ப...

நூதனமாக ஏடிஎம் கார்டில் இருந்து திருடப்பட்ட ரூ. 49 ஆயிரம் பணத்தை
திரும்ப மீட்டுக்கொடுத்த சைபர்கிரைம் போலீசார்

சென்னை, செப். 21–

செய்தியாளர் – H.M ரிஸ்வான்

ஏடிஎம் கார்டில் இருந்து ஆன்லைன் மோசடி நபர்களால் அபேஸ் செய்யப்பட்ட ரூ. 49 ஆயிரம் பணத்தை, சென்னை அம்பத்துார், வண்ணாரப்பேட்டை சைபர்கிரைம் போலீசார் மீட்டுக் கொடுத்து துரித நடவடிக்கை மேற்கொண்டுள்ளனர்.

சென்னை, அம்பத்தூரைச் சேர்ந்தவர் துருவி சன்யாசி ராவ் (51). இணையதளத்தில் தனியார் நிறுவனத்தின் சேவை மையம் குறித்து ஆராய்ந்து கொண்டிருந்தார். அப்போது வாடிக்கையாளர் சேவை போல இணையத்தில் வந்த அறிவிப்பில் சன்யாசி ராவுக்கு உதவுவதாக கூறி Team viewer Quick support app என்ற இணைப்பு ஸ்கிரீனில் வந்துள்ளது. அதனை கிளிக் செய்து சன்யாசி ராவ் உள்ளே சென்றார். அப்போது அவரது ஆதார் கார்டு மற்றும் கிரெடிட் கார்டு விவரங்களை அந்த இணைப்பில் உள்ளீடு செய்யுமாறு கேட்டுள்ளது. சன்யாசியும் அதனை உள்ளீடு செய்துள்ளார். சில நிமிடங்களில் துருவி சன்யாசிராவுக்கு அவரது சிட்டி பேங்க் கிரெடிட் காரிடிலிருந்து ரூ. 39,998 பணம் எடுக்கப்பட்டதாக குறுந்தகவல் வந்தது. இதனால் அதிர்ச்சியடைந்த அவர் வங்கியில் போய் விசாரித்துள்ளார். அப்போது அது மோசடி ஆப் என தெரியவந்தது. இது தொடர்பாக அவர் அம்பத்தூர் காவல் மாவட்ட சைபர் கிரைம் போலீசில் புகார் அளித்தார்.

துணைக்கமிஷனர் தீபாசத்யன் மேற்பார்வையில் சைபர் குற்றப்பிரிவு போலீசார் அது குறித்து விசாரணை நடத்தினர். இதில் சன்யாசிராவ் கூறியது உண்மை என தெரியவந்தது. அதனையடுத்து பணப்பரிவர்த்தனை நடந்த சிட்டி வங்கிக்கு, தொடர்பு கொண்ட சைபர்கிரைம் போலீசார் அது தொடர்பாக வழக்குப்பதிவு செய்தனர். சன்யாசிராவின் அனுமதியின்றி முறைகேடாக பணம் எடுக்கப்பட்டுள்ளதாகவும், அவரது மோசடி செய்த பணத்தை திரும்ப பெற்றுத் தர வேண்டும் எனவும் சைபர்கிரைம் போலீசார் சட்ட ரீதியான நடவடிக்கைகள் மேற்கொண்டனர். அதனையடுத்து சிட்டி வங்கி நிர்வாகம் புகார்தாரர் சன்யாசிராவவின் வங்கி கணக்கிற்கு, ரூ.19,999 பணத்தை திரும்பச்- செலுத்தினர். அதனையடுத்து சன்யாசிராவ் சைபர்கிரைம் போலீசாருக்கு நன்றி தெரிவித்தார்.

அதே போல சென்னையைச் சேர்ந்த செல்வராஜ் என்பவருக்கு ஸ்டான்டர்டு சார்ட்டர்டு வங்கியின் கிரெடிட் கார்டிலிருந்து இந்திய மதிப்பில் ரூ.10,661 மதிப்புள்ள யூரோ டாலர்கள் எடுக்கப்பட்டதாக அவருக்கு குறுந்தகவல் வந்தது. அது தொடர்பாக செல்வராஜ் வண்ணாரப்பேட்டை துணைக்கமிஷனர் சுப்புலட்சுமியிடம் அது தொடர்பாக புகார் அளித்தார்.
வண்ணாரப்பேட்டை சைபர் குற்றப்பிரிவு போலீசார் அது தொடர்பாக விசாரணை மேற்கொண்டனர். இதில் செல்வராஜின் கிரெடிட் கார்டிலிருந்து ஆஸ்திரேலியா, மெல்போர்னிலிருந்து பணம் எடுக்கப்பட்டது தெரியவந்தது. அது தொடர்பாக வண்ணாரப்பேட்டை சைபர் குற்றப்பிரிவு போலீசார் பணபரிவர்த்தனை நடந்த ஸ்டாண்டர்டு சார்ட்டர்டு வங்கிக்கு, தொடர்பு கொண்டு மோசடி தொடர்பாக தெரிவித்தனர். அதனை ஏற்ற வங்கி நிர்வாகம் செல்வராஜின் வங்கி கணக்கிற்கு, மோசடி செய்யப்பட்ட பணம் ரூ.10,661ஐ- செலுத்தினர். சென்னை நகரில் ஆன்லைன் மூலம் பணமோசடி செய்யும் புகார்கள் தொடர்பாக சைபர்கிரைம் போலீசார் துரித நடவடிக்கை மேற்கொண்டு வருவது குறிப்பிடத்தக்கது.

19,724FansLike
39FollowersFollow
355SubscribersSubscribe

முக்கிய செய்திகள்

தூத்துக்குடியில் கொரனா மூன்றாம் அலை விழிப்புணர்வு கூட்டம் இன்று நடைபெற்றது

0
தூத்துக்குடி - ஆகஸ்ட் - 03,2021 தூத்துக்குடி மாவட்ட காவல்துறை, தூத்துக்குடி மாவட்ட மாநகராட்சி மற்றும் மத்திய வியாபாரிகள் சங்கம் இணைந்து நடத்தும் மாபெரும் கொரோனா பெருந்தொற்று விழிப்புணர்வு மற்றும் நோய் கண்டறியும் சிறப்பு...

முதாட்டி கொலையின் பின்‌‌‌னனி என்ன ? மாவட்ட எஸ்.பி நேரில் ஆய்வு தனிப்‌‌‌படை...

0
தூத்துக்குடி - ஆகஸ்ட்-03,2021 ஏரல் காவல் நிலைய எல்லைக்குட்பட்ட பகுதியில் மூதாட்டி ஒருவர் கொலை - சம்பவ இடத்தை மாவட்ட காவல் கண்காணிப்பாளர் எஸ். ஜெயக்குமார் அவர்கள் நேரில் சென்று பார்வையிட்டு எதிரியை...

சீனா அதிபரை வியப்பில் ஆழ்த்திய தமிழக காவல்துறை அதிகாரி

0
திருநெல்வேலி - ஆகஸ்ட் - 03,2021 6 அடி உயரம், அகன்ற தோள் புஜம், அடர்ந்த முறுக்கு மீசை, சிரித்த முகம், துருதுரு பார்வை, மிடுக்கான தோற்றம், பேச்சில்‌‌ பணிவு, கம்பீரம் கலந்த கணீர்...

தேர்ச்சி பெற்ற காவலர்களுக்கு உடற்‌‌‌தகுதி, சான்றிதழ்‌‌‌ சரிபார்‌‌‌ப்‌‌‌பு பணி தொடங்கியது

0
கோயம்புத்தூர் - ஆகஸ்ட் - 03,2021 கோவை மாவட்டம், தமிழ்நாடு சீருடை பணியாளர் தேர்வாணையம் நடத்திய எழுத்து தேர்வில் தேர்ச்சி பெற்ற பெண்களுக்கானஇரண்டாம் நிலை காவலர், சிறைத்துறை காவலர் மற்றும் தீயணைப்பு பிரிவினர்களுக்கான உடற்தகுதி...

போலி உதவி கமிஷனர் கைது – மாவட்ட எஸ்.பியின் ஸ்கெட்ச்

0
திண்டுக்கல் - ஆகஸ்ட் -03,2021 முன்னாள் ஆந்திர முதல்வர் சந்திரபாபு நாயுடு கேரள முதல்வர் பிரணாப் விஜயன் தமிழகத்தை தவிர்த்து மற்றும் பல மாநில முதல்வர்களுடன் சந்தித்து போட்டோ எடுத்து அதை முகநூலில் பதிவு...

தற்போதைய செய்திகள்