85.4 F
Tirunelveli
Monday, October 25, 2021
முகப்பு மாவட்டம் தூத்துக்குடி தூத்துக்குடி மாநகர பகுதியில் திருடுபோன தங்க நகை மற்றும் இருசக்கர வாகனம் ஆகியவற்றை மாவட்ட எஸ்பி...

தூத்துக்குடி மாநகர பகுதியில் திருடுபோன தங்க நகை மற்றும் இருசக்கர வாகனம் ஆகியவற்றை மாவட்ட எஸ்பி ஜெயக்குமார் உரிமையாளர்களிடம் நேரில் ஒப்படைத்தார்.

தூத்துக்குடி செப்டம்பர் -13

தூத்துக்குடி மாவட்டம், தென்பாகம் காவல் நிலைய எல்லைக்குட்பட்ட பகுதியில் கடந்த 08 தேதி அன்று தூத்துக்குடி மகிழ்ச்சிபுரத்தைச் சேர்ந்த பாலகிருஷ்ணன் மனைவி மணிமேகலை என்ற மல்லிகா (63) என்பவர், அவரது கணவருடன் இரு சக்கர வாகனத்தில் தூத்துக்குடி அண்ணாநகரில் முருகன் கோவில் அருகே ஆனந்தராஜ் என்பவர் வீட்டின் முன்பு கிழக்கிலிருந்து மேற்காக சென்று கொண்டிருந்தபோது இரு சக்கர வாகனத்தில் வந்த அடையாளம் தெரியாத நபர் மணிமேகலை என்ற மல்லிகாவின் கழுத்தில் கிடந்த 4 பவுன் தங்கச் செயினை பறித்துச் சென்றுள்ளார். இது குறித்து தென்பாகம் காவல் நிலைய போலீசார் வழக்குப்பதிவு செய்து விசாரணை மேற்கொண்டதில் கோவில்பட்டி காமநாயக்கன்பட்டி குருவிநத்தத்தைச் சேர்ந்த மரிய மைக்கேல் சேவியர் மகன் பிரான்சிஸ் (38) என்பவர் செயினை பறித்துச் சென்றது தெரியவந்தது. உடனே போலீசார் அவரை கைது செய்து, அவர் பறித்துச் சென்ற 4 பவுன் தங்கச் செயினை பறிமுதல் செய்தனர்.

அதே தென்பாகம் காவல் நிலைய எல்லைக்குட்பட்ட பகுதியான முனியசாமிபுரத்தில் கடந்த 02 தேதி அன்று அதே பகுதியைச் சேர்ந்த மூக்காண்டி மனைவி திருமதி. சோமசுந்தரி (28) என்பவரும், அவரது தம்பி மனைவி கனக சுந்தரியும் ஆத்தூரிலிருந்து தூத்துக்குடிக்கு வந்து காமராஜ் கல்லூரி பஸ்-ஸ்டாப்பில் இறங்கி முனியசாமிபுரம் 2வது தெருவில் கிழக்கிலிருந்து செல்லும்போது எதிரே இருசக்கர வாகனத்தில் வந்த அடையாளம் தெரியாத நபர் சோமசுந்தரி கழுத்தில் அணிந்திருந்த 5 பவுன் செயினை பறித்துச் சென்றுள்ளார். இது சம்மந்தமாக தென்பாகம் காவல் நிலைய போலீசார் வழக்குப்பதிவு செய்து விசாரணை மேற்கொண்டதில் தூத்துக்குடி பிரையண்ட் நகர் 10வது (கிழக்கு) தெருவைச் சேர்ந்த ஹரிகிருஷ்ணன் மகன் சுரேஷ்குமார் (32) என்பவர் செயினை பறித்தது தெரியவந்தது. உடனே அவரை கைது செய்து, அவரிடமிருந்து 5 பவுன் செயினை பறிமுதல் செய்தனர்.

மேலும் கடந்த 03ம்தேதி அன்று தூத்துக்குடி மாவட்டம், ஸ்ரீவைகுண்டம் புதுப்பட்டியைச் சேர்ந்த முத்துராஜ் மகன் பாலமுருகன் (39) என்பவர் தூத்துக்குடி அரசு மருத்துவக்கல்லூரி மருத்துவமனைக்கு சென்றபோது தனது இரு சக்கர வாகனத்தை மருத்துவமனையின் இரு சக்கர வாகனம் நிறுத்துமிடத்தில் நிறுத்திவிட்டு, பின்னர் வந்து பார்க்கும்போது, அதை யாரோ திருடிச் சென்றுள்ளார். இது குறித்து தென்பாகம் காவல் நிலைய போலீசார் வழக்குப்பதிவு செய்து விசாரணை மேற்கொண்டனர், விசாரணையில் ஏரல் அம்மன்கோவில் தெருவைச் சேர்ந்த சின்னத்துரை மகன் அய்யப்பன் (31) மற்றும் சாயர்புரம் காட்டு சக்கம்மாள்புரத்தைச் சேர்ந்த முருகன் மகன் பிரதீப் (28) ஆகியோர் திருடியது தெரியவந்தது, அவர்களை கைது செய்த போலீசார் அவர்களிடமிருந்த இரு சக்கர வாகனத்தை பறிமுதல் செய்தனர்.

மேற்படி 3 வழக்குகளில் பறிமுதல் செய்யப்பட்ட ரூபாய் 2 லட்சம் மதிப்புள்ள 9 பவுன் தங்க நகைகளையும், இரு சக்கர வாகனத்தையும் அதன் உரிமையாளர்களிடம் இன்று தூத்துக்குடி மாவட்ட காவல் கண்காணிப்பாளர் ஜெயக்குமார் நேரில் ஒப்படைத்தார்.

இந்நிகழ்ச்சியின்போது தூத்துக்குடி காவல் துணை கண்காணிப்பாளர் கணேஷ், தென்பாகம் காவல் ஆய்வாளர் ஆனந்தராஜன், மத்தியபாகம் காவல் ஆய்வாளர் திரு. ஜெயப்பிரகாஷ், போக்குவரத்து காவல் ஆய்வாளர் மயிலேறும் பெருமாள், உதவி ஆய்வாளர் வெங்கடேஷ் ஆகியோர் உள்ளிட்ட காவல்துறை அதிகாரிகள் மற்றும் காவல்துறையினர் கலந்து கொண்டனர்.

19,724FansLike
50FollowersFollow
362SubscribersSubscribe

முக்கிய செய்திகள்

தேவர் மற்றும் மருதுபாண்டியர் குருபூஜை விழாவை அரசின்‌‌‌ உத்தரவை மீறாமல் நடத்த சமுதாய...

0
தேனி - அக் - 24,2021 செய்தியாளர் - செல்வகுமார் டிஎஸ்பி முத்துக்குமார் தலைமையில் தேவர் மற்றும் மருது பாண்டியர் குருபூஜை விழா சம்பந்தமாக சமுதாயத் தலைவர்களிடம் தீர்மானங்கள் பற்றி நடந்துகொள்ள ஆலோசனை கூட்டம்...

சமுதாய நல்லிணக்க விழிப்புணர்வு கூட்டம் எஸ்‌பி தலைமையில் நடைபெற்றது

0
தூத்துக்குடி - அக்-24,2021 முறப்பநாடு காவல் நிலைய எல்லைக்குட்பட்ட அனவரதநல்லூர் மேல்நிலைப் பள்ளியில் இன்று சமுதாய நல்லிணக்க விழப்புணர்வு கூட்டம் மாவட்ட காவல் கண்காணிப்பாளர் எஸ். ஜெயக்குமார் தலைமையில் நடைபெற்றது. முறப்பநாடு காவல் நிலைய...

பணியின்‌ போது மரணித்த எஸ்.ஐ குடும்பதிற்கு மாவட்ட எஸ்.பி நிதியுதவி

0
திருவண்ணாமலை - அக் - 24,2021 திருவண்ணாமலை மாவட்டம், ஆரணி மகளிர் காவல் நிலையத்தில் பணிபுரிந்து வந்த உதவி ஆய்வாளர் சந்திரிகா என்பவர் உடல்நிலை சரியில்லாமல் கடந்த 10.08.2021- ம் தேதி இறந்து விட்டார்....

20,லட்‌‌‌சம்‌‌‌ மதிப்‌‌‌புள்‌‌‌ள பொருட்‌‌‌களை காப்‌‌‌பகங்‌‌‌களுக்‌‌‌கு வழங்‌‌‌கி அசத்‌‌‌திய போலீஸ்‌‌‌ கமிஷனர்‌‌‌

0
திருநெல்வேலி - அக் - 24,2021 நெல்லை மாநகரில் முதல் முறையாக காப்பகங்களின் குறைகளை கேட்டறிந்து ஒரே வாரத்தில் அனைத்து குறைகளையும், சுமார் ரூ 20 லட்சம் மதிப்புடைய பொருட்களை நன்கொடையாளர்கள் முன்னிலையில் காப்பகங்களுக்கு...

மார்பாக புற்று நோய் குறித்து நடந்த விழிப்புணர்வு சைக்கிள் பேரணியை சென்னை பெருநகர போலீஸ்‌‌‌...

0
சென்னை - அக் -24,2021 இன்று எம்.ஜி.எம் மருத்துவமனை நிர்வாகத்தினர் ஏற்பாடு செய்திருந்த, மார்பாக புற்று நோய் குறித்த விழிப்புணர்வு சைக்கிள் பேரணியை சென்னை பெருநகர காவல் ஆணையாளர் சங்கர் ஜிவால், இ.கா.ப ...

தற்போதைய செய்திகள்