81.7 F
Tirunelveli
Saturday, May 15, 2021
முகப்பு மாவட்டம் சென்னை மயிலாப்பூரில் இளம்பெண்ணின் வீட்டை தீவைத்து எரித்த ரவுடி கும்பல் கைது பிரபல ரவுடி தப்பியோட்டம்

மயிலாப்பூரில் இளம்பெண்ணின் வீட்டை தீவைத்து எரித்த ரவுடி கும்பல் கைது பிரபல ரவுடி தப்பியோட்டம்

மைலாப்பூரில் இளம்பெண் வீட்டை தீ வைத்து எரித்த ரவுடி கும்பலைச் சேர்ந்த பெண் உள்பட 6 பேரை போலீசார் கைது செய்தனர். தப்பியோடிய போது பிரபல ரவுடியை போலீசார் தேடி வருகின்றனர்.

சென்னை மயிலாப்பூர் சண்முகம் பிள்ளை தெருவில் வசித்து வருபவர் குமாரி (வயது 29). கடந்த 15 ஆம் தேதி தனது குடும்பத்துடன் சண்முகம் பிள்ளை தெருவில் நடந்த கோயில் திருவிழாவில் கலந்து கொள்ளச் சென்றார். திருவிழாவின் போது கோவில் தர்மகர்த்தாவின் செல்போன் காணாமல் போனது. செல்போனை குமாரியின் உறவினரின் மகன் திருடி சென்றுவிட்டதாக கூறப்பட்டது. இதனால் மயிலாப்பூர் பிரபல ரவுடி சிவகுமாரின் உறவினரான சாந்தி, தேவி உட்பட பலர் இணைந்து அந்த பகுதியைச் சேர்ந்த பிரேம் என்பவரை பிடித்து அடித்து உதைத்துள்ளனர். இது தொடர்பாக மயிலாப்பூர் போலீசில் புகார் அளிக்கப்பட்டது. அதன் பேரில் போலீசார் விசாரணை நடத்தினர்.

அப்போது ஊர் தலைவர் சக்திவேல் சென்று இரண்டு பேரிடம் சமரசமாக பேசி அனுப்பி வைத்துள்ளார். இந்த நிலையில் நேற்று மீண்டும் குமாரியின் வீட்டிற்குள் புகுந்து சாந்தி, ரஜினி, வினோத் உட்பட 8 பேர் குமாரியை சரமாரியாக மீண்டும் தாக்கினர். அந்த பகுதியை விட்டு காலி செய்ய வேண்டும் என மிரட்டி விட்டு சென்றதாக தெரிகிறது. இதனையடுத்து குமாரி இந்த சம்பவம் தொடர்பாக மீண்டும் போலீஸ் நிலையத்தில் புகார் அளித்தார். ரவுடி சிவகுமாரின் உறவினரான சாந்தி அந்த பகுதியில் சட்டவிரோதமாக கூடுதல் விலைக்கு மதுபானம் விற்பனை செய்து வருவதாகவும், ரவுடிகளை வைத்து அராஜகம் செய்து வருவதாகவும் அந்த புகாரில் கூறியிருந்தார். இதனையடுத்து போலீசார் சம்பவ இடத்திற்கு சென்று விசாரணை நடத்தினர். போலீசார் தேடுவது தெரியவந்ததும் சாந்தி உட்பட அனைவரும் தலைமறைவாகினர்.

இந்நிலையில் நேற்று விடியற்காலை சாந்தியின் கூட்டாளிகள் 5 பேர் குமாரியின் வீட்டின் கூரையை தீ வைத்தனர். இதில் குமாரியின் வீட்டில் இருந்த புடவைகள் மற்றும் முக்கிய ஆவணங்கள் தீயில் எரிந்து சேதமானது. இதனால் அந்த பகுதியில் பெரும்பரபரப்பு ஏற்பட்டது.

தீ வைத்து விட்டு சுவர் ஏறி குதித்து தப்பியோடும் போது சாந்தியின் கும்பலைச் சேர்ந்த தமிழ் என்பவர் நிலை தடுமாறி கீழே விழந்தார். இதில் அவருக்கு கால் எலும்பு முறிந்தது. அவர் சிகிச்சைக்காக அரசு ஆஸ்பத்திரியில் சேர்க்கப்பட்டார். அவரிடம் நடத்திய விசாரணையில் ரவுடியின் சிவகுமாரின் சகோதரி சாந்தி உள்ளிட்டோர் குமாரி வீட்டுக்கு தீ வைத்தது தெரியவந்தது. இந்த சம்பவம் தொடர்பாக மயிலாப்பூர் போலீசார் 6 பிரிவுகளின் கீழ் வழக்குப்பதிவு செய்து சாந்தி உள்ளிட்டோரை தேடி வந்தனர். அதனையடுத்து தலைமறைவாக இருந்த சாந்தி, அய்யனார், அரவிந்தன், தமிழரசன், வினோத், கோபி ஆகிய 6 பேரை போலீசார் கைது செய்தனர். முக்கிய குற்றவாளியான ரவுடி சிவகுமார் தலைமறைவாகி விட்டார். அவரை போலீசார் தேடி வருகின்றனர்.

19,728FansLike
32FollowersFollow
354SubscribersSubscribe

முக்கிய செய்திகள்

கன்னியாகுமரி மாவட்ட எஸ்.பி ஊரடங்கு நிலைமை குறித்து தீவிர கண்காணிப்பில் ஈடுபட்டு வருகிறார்

0
கன்னியாகுமரி - மே - 15 ,2021 கன்னியாகுமரி மாவட்டம், ஊரடங்கு தீவிர படுத்தப்பட்டுள்ள நிலையில் நாகர்கோவில் பகுதியில் போலீசார் தீவிர வாகன சோதனையில் ஈடுபட்டனர். அத்தியாவசிய நடமாட்டம் காலை 10 மணியோடு முடிவடைந்து...

சென்னை பெருநகர போலீசார்‌‌‌ டிரோன்கள் மூலம் ஊரடங்கு விதிமுறையை மீறுபவர்களை கண்காணிக்க போலீஸ்‌‌‌ கமிஷனர்...

0
சென்னை - மே - 15 ,2021 நமதுநிருபர் - ஹெச்.எம்.ரிஸ்வான் தமிழக அரசின் கொரோனா தடுப்பு நடவடிக்கைக்காக ஊரடங்கு அமல்படுத்தப்பட்டு ள்ளது. இதன் காரணமாக சென்னை நகரின் அனைத்து பகுதிகளிலும் வாகன தணிக்கைகள், போக்குவரத்து...

பொது நல சங்கம் சார்‌‌‌பில்‌‌‌ நடைபெற்ற கொரனா விழிப்புணர்வு முகாமில் மாவட்ட எஸ்.பி...

0
தூத்துக்குடி - மே - 15 ,2021 தூத்துக்குடி திரு.வி.க நகர் பகுதியில் வளர்பிறை மக்கள் நலச்சங்கம் சார்பாக நடைபெற்ற கொரோனா விழிப்புர்ணர்வு முகாமில் மாவட்ட போலீஸ்‌‌‌ சூப்‌‌‌பிரண்‌‌‌டு எஸ்‌‌‌.ஜெயக்‌‌‌குமார்‌‌‌ சிறப்பு விருந்தினராக...

தமிழகத்தில் அடுத்தடுத்து 5 ஐ.பி.எஸ் அதிகாரிகள் மாற்றம்

0
சென்னை - மே - 14 ,2021 தமிழகத்தில் மேலும் 5 ஐபிஎஸ் அதிகாரிகளை மாற்றம் செய்து தமிழக அரசு உத்தரவிட்டுள்ளது. அது தொடர்பாக தமிழக அரசின் உள்துறைச் செயலாளர் பிரபாகர் வெளியிட்டுள்ள உத்தரவு...

தமிழக காவல்துறையில் காத்திருப்போர் பட்டியலில் இருந்த 11 ஐ.பி.எஸ்‌‌‌ அதிகாரிகளுக்கு புதிய பொறுப்புகள் வழங்கப்பட்டுள்ளது

0
சென்னை - மே - 14 ,2021 தமிழக காவல்துறையில் காத்திருப்போர் பட்டியலில் வைக்கப்பட்டிருந்த 11 ஐபிஎஸ் அதிகாரிகள் உள்பட 15 பேருக்கு பணியிடங்கள் ஒதுக்கீடு செய்து தமிழக அரசு உத்தரவிட்டுள்ளது. அது தொடர்பாக தமிழக...

தற்போதைய செய்திகள்